امریکا کی مضبوط فوج کو بھی ایسا تھپڑ پڑ سکتا ہے کہ وہ اٹھ نہ سکے،ایرانی سپریم لیڈر آیت اللّٰہ علی خامنہ ای

مذاکرات کےساتھ ساتھ گرماگرم بیانات کاسلسلہ جاری ہے،،ایرانی سپریم لیڈر آیت اللّٰہ علی خامنہ ای نے کہا ہے کہ امریکا کی مضبوط فوج کو بھی ایسا تھپڑ پڑ سکتا ہے کہ وہ اٹھ نہ سکے۔ امریکی صدر اسلامی جمہوریہ ایران کو نہیں گرا سکیں گے۔ امریکی صدر اپنی فوج کو دنیا کی مضبوط ترین فوج قرار دیتے ہیں، دنیا کی سب سے مضبوط فوج کو بھی ایسا تھپڑ پڑ سکتا ہےکہ وہ اٹھ نہ سکے۔آیت اللّٰہ علی خامنہ ای کا کہنا تھا کہ جنگی جہاز سے زیادہ خطرناک وہ ہتھیار ہے جو اسے سمندر کی تہہ میں بھیج سکتا ہے، مذاکرات کے نتائج کو پہلے سے طے کرنا احمقانہ ہے۔انہوں نے مزید کہاکہ ایران کی پُرامن جوہری صنعت جنگ نہیں ملک چلانے کے لیے ہے، یہ توانائی، زرعی، صحت کے شعبوں کے لیے ہے جوہری صلاحیت ایرانی عوام کا حق ہے اس کا امریکیوں سے کیا تعلق ہے؟