شامی کے روزہ نہ رکھنے پر ہربھجن سنگھ میدان میں آگئے

گزشتہ دنوں آئی سی سی چیمپئینز ترافی میں آسٹریلیا کیخلاف میچ کے دوران بھارتی فاسٹ بولر محمد شامی کی میدان میں جوس پینے کی ویڈیو وائرل ہوئی تھی، جس کے باعث انہیں ٹرول کیا جانے لگا۔
فوٹو اینڈ ویڈیو شیئرنگ ایپ انسٹاگرام پر صارفین نے رمضان المبارک میں زورہ نہ رکھنے پر محمد شامی کو شدید تنقید کا نشانہ بنایا اور انکے مسلمان ہونے پر سوال اٹھایا۔
تاہم محمد شامی کو سپورٹ کرنے کیلئے سابق اسپنر ہربھجن سنگھ میدان میں آگئے، انکا کہنا ہے کہ ایک کھلاڑی کیلئے میدان پر خود ہائیڈریٹ رکھنا ضروری ہے ورنہ آپ میدان پر کمزوری کے باعث گر بھی سکتے ہیں۔
ہربھجن نے کہا کہ شامی گرمی میں کھیل رہے ہیں تو اسکا مطلب ہے کہ انہیں پانی کی ضرورت ہے وہ بغیر مشروبات کے استعمال کیے، میدان پر زیادہ دیر نہیں رُک سکتے۔
انہوں نے کہا کہ شامی پر تبصرہ کرنے والوں سے صرف اتنا کہوں گا کہ یہ انکا ذاتی مسئلہ ہے، مجھے نہیں لگتا کہ کسی کو اس بارے میں زیادہ فکر مند ہونے کی ضرورت ہے۔