امریکی صدر ڈونلڈ ٹرمپ نے آج رات ایران پر پھر سخت حملے کرنے کی دھمکی دیدی، ترکیہ میں نیٹو سمٹ میں یوکرینی صدر سے ملاقات کے دوران صحافیوں سے گفتگو کرتے ہوئے امریکی صدر نے کہا کہ ایران سے خوش نہیں ہوں، ایران نے کل جہازوں پر ڈرون حملے کیے، ہم نے گزشتہ رات ایران پر سخت حملہ کیا ممکن ہے آج رات بھی سخت نشانہ بنائیں۔
امریکی صدر نے کہا ایرانی رہنما مشرق وسطیٰ کے بدمعاش بنے ہوئے تھے اب وہ بدمعاش نہیں رہے، ایران کئی دہائیوں تک دنیا کو دھمکاتا رہا ہے، دعویٰ کیا کہ ایران 47 سال سے لوگوں کو قتل کررہا تھا۔
ٹرمپ بولے ایران سے معاہدے میں بہت مشکلات رہیں، معاہدہ ایران کے جوہری ہتھیاروں کے آگے ایک دیوار ہے، میں نہیں جانتا کہ ایران سے معاہدہ ہوگا یا نہیں، ہم معاہدے کے بغیر بھی ایران کو غیر جوہری بنائیں گے اور یہ زیادہ آسان ہے۔
ٹرمپ نے کہا اوبامہ نے ایران کو رقم دی، اوبامہ کی ڈیل بدترین تھی،ایرانی جھوٹ بولتے ہیں، انہوں نے دھوکا کیا، لوگوں کو مارتے ہیں۔
