ایران اور امریکا کےدرمیان جنگ بحیرہ کیسپن تک پھیل گئی ، یوکرین بھی جنگ کا حصہ بن گیا، ایرانی جہازکو نشانہ بناکر کھلم کھلا اعلان جنگ کردیا،،ایرانی وزارت خارجہ نے یوکرین حملے پر اپنے ردعمل میں کہاہے،، یوکرین کی جانب سے ایرانی جہاز کو نشانہ بنانا ایک خطرناک اقدام تھا، جس کا جواب ضرور دیا جائے گا، یوکرینی اقدام کے اثرات دنیا کے مختلف حصوں تک پھیل سکتے ہیں،
ایرانی وزارتِ خارجہ کے ترجمان اسماعیل بقائی نے کہا ہے کہ ایران امریکا کو جنگ اور امن کے وقت یا دورانیے کا تعین کرنے کی اجازت نہیں دے گا۔ اپنے قومی مفادات کے مطابق ملک کا دفاع جاری رکھے گا اور قومی مفادات کے تقاضوں کے مطابق سفارتی راستہ بھی اختیار کرے گا۔ترجمان ایرانی وزارتِ خارجہ کا کہنا ہے کہ کچھ خلیجی ممالک ایران کے خلاف امریکا کی جنگ میں ملوث رہے ہیں، بلاشبہ جنگ میں علاقائی ممالک کی شرکت کو نظر انداز نہیں کر سکتے، امید ہے کہ علاقائی ممالک ایران کے خلاف امریکا کے ساتھ تعاون جاری نہیں رکھیں گے۔ان کا کہنا ہے کہ امریکا مشکلات کا شکار ہے، یہ صورتِ حال امریکا کی ہی پیدا کردہ ہے، انہوں نے خود ایسا کیا اور اب وہ پھنس چکے ہیں، جنگ شروع ہونے کے بعد امریکا کا خیال تھا کہ ایران 3 دن میں ہتھیار ڈال دے گا اور اب مہینوں بعد امریکا اس صورتِ حال میں پھنس چکا ہے۔
ایرانی پارلیمنٹ کی قومی سلامتی اور خارجہ پالیسی کمیٹی کے سربراہ ابراہیم عزیزی کاکہنایے یوکرین کی جانب سے ایرانی جہاز کو نشانہ بنانا ایک خطرناک اقدام تھا، جس کا جواب ضرور دیا جائے گا، ابراہیم عزیزی کا کہنا ہے کہ یوکرین کو بھی شاید جلد احساس ہو جائے گا کہ ایران اپنے خلاف کی جانے والی کارروائیوں کا جواب دیے بغیر نہیں رہتا۔انہوں نے یہ بھی کہا کہ ایران کے خلاف غلط اندازے لگانے والوں کی فہرست مسلسل طویل ہوتی جا رہی ہے۔ ایران کے مطابق جہاز پر حملے میں 1 اہلکار جاں بحق اور 1 زخمی ہوا ہے۔
