واشنگٹن: ڈونلڈ ٹرمپ جونیئر کی شادی میں امریکی صدر ڈونلڈ ٹرمپ کی شرکت غیر یقینی ہے۔
امریکی میڈیا کے مطابق صدر ڈونلڈ ٹرمپ کے بڑے بیٹے ٹرمپ جونیئرکی شادی کی تقریب اس ہفتے بہاماس کے ایک چھوٹے جزیرے پر منعقد ہوگی، جس میں صرف قریبی اہلِ خانہ اور چند قریبی دوست شرکت کریں گے۔
ذرائع کا کہنا ہے کہ ٹرمپ جونیئر کی شادی میں صدر ڈونلڈ ٹرمپ کی تقریب میں شرکت متوقع نہیں ہے۔
اوول آفس میں صحافیوں سے گفتگو کرتے ہوئے صدر ٹرمپ نے کہا کہ ان کے بیٹے کی خواہش ہے کہ میں شادی میں شریک ہوں، لیکن موجودہ حالات میں میرے لیے شرکت کرنا مشکل ہے۔
صدر ٹرمپ کا کہنا تھا کہ اس وقت ان کی توجہ ایران سمیت دیگر اہم معاملات پر مرکوز ہے، اسی لیے شادی کی تقریب میں شرکت کا امکان کم ہے۔
