پاکستان کرکٹ بورڈ کے چیئرمین سید محسن رضا نقوی کو بھارتی حکومت کی جانب سے آئی پی ایل کا دعوت نامہ تاحال موصول نہیں ہوا۔
پاکستان کرکٹ بورڈ کے سربراہ سید محسن رضا نقوی کو 31 مئی کو نریندرا مودی اسٹیڈیم احمد آباد آئی پی ایل فائنل کے لیے مدعو کیا گیا ہے۔
اطلاعات کے مطابق چیئرمین پی سی بی کے بھارت جانے کے حوالے سے حتمی فیصلہ وزیر اعظم شہباز شریف کریں گے تاہم اطلاعات کے مطابق بھارتی حکومت کی جانب سے باقاعدہ دعوت دیے جانے کے بعد ہی اس حوالے سے پیش رفت کا امکان ہے۔
اطلاعات ہیں کہ بھارتی حکومت کی طرف سے اس بارے میں تاحال دعوت نامہ موصول نہیں ہوا۔
دوسری جانب آئی سی سی بورڈ میٹنگ 30 اور 31 مئی کو احمد آباد میں شیڈول ہے جس میں پاکستان کرکٹ بورڈ کی نمائندگی چیئرمین سید محسن رضا نقوی کو کرنی ہے، البتہ ان کی شرکت کے حوالے سے صورتحال ابھی غیر واضح ہے۔
