پاکستان وائٹ بال ٹیم کے ہیڈ کوچ مائیک ہیسن کا کہنا ہے کہ شاہین آفریدی سے ابتدائی اوورز میں وکٹیں درکار ہیں۔
پی سی بی پوڈ کاسٹ میں گفتگو کرتے ہوئے پاکستان کرکٹ ٹیم کے ہیڈ کوچ مائیک ہیسن کا کہنا ہے کہ ون ڈے کرکٹ میں پاکستان کو بہتری کی ضرورت ہے۔
انہوں نے کہا کہ ورلڈ کپ کو دیکھتے ہوئے اسکواڈ ترتیب دے رہے ہیں، نوجوان کھلاڑیوں میں صلاحیت موجود ہے، انہیں صبر کے ساتھ موقع دینا ہوگا۔
ہیڈ کوچ نے اس بات پر زور دیا کہ سابق چیمپئنز کو پاور پلے میں مستقل طور پر وکٹیں حاصل کرنی چاہئیں، انتظامیہ کو ایسے بولرز تلاش کرنا ہوں گے جو فارمیٹ میں اس ضرورت کو پورا کرسکیں۔
مائیک ہیسن نے کہا کہ ون ڈے سائیڈ ایک ٹیم ہے جس کے بارے میں آپ جانتے ہیں ہم نے گزشتہ 12 ماہ میں بہت زیادہ نہیں کھیلا ہے لیکن ہم نے جو کچھ کیا ہے وہ کچھ ایسے اہم شعبوں کو سامنے لانا ہے جن کے بارے میں آپ بولنگ کے نقطہ نظر سے جانتے ہیں ہمیں لائن اور لینتھ میں بولنگ کرنی ہے۔
انہوں نے کہا کہ ہمیں ایسے بولرز تلاش کرنے ہوں گے جو واقعی مستقل مزاج ہوں اور پاور پلے میں وکٹیں لینے کے قابل ہوں۔
