اورکھیلوں کی دنیا میں سب سے پہلے پاکستان کی شاندارجیت کاذکرکریں گے۔۔ناظرین پاکستان نے آسٹریلیا کو تیسرے ون ڈے میچ میں 4 وکٹوں سے شکست دے کر تین میچوں کی سیریز 2-1 سے جیت لی۔لاہور میں کھیلے گئے میچ میں پاکستان نے آسٹریلیا کی جانب سے دیا جانے والا 158 رنز کا ہدف 41.5 اوورز میں 6 وکٹوں کے نقصان پر حاصل کرلیا، شاہین آفریدی کو میچ اور عرفات منہاس کو سیریز کا بہترین کھلاڑی قرار دیا گیا۔پاکستان نے آسٹریلیا کے خلاف لگاتار تیسری ون ڈے سیریز جیتی ہے۔بابر اعظم 40 اور معاذ صداقت 27 رنز بنا کر نمایاں رہے، شاداب خان نے 28 اور عبدالصمد نے 18 رنز کی اننگز کھیلی۔آسٹریلیا کی جانب سے میتھیو کنامین نے تین کھلاڑی آؤٹ کیے، میتھیو رینشا، میتھیو شارٹ اور نیتھن ایلس نے ایک، ایک وکٹ حاصل کی۔
کھیل کے میدان میں روایتی حریفوں کا مقابلہ پاک بھارت ٹاکرا آج ہو رہا ہے دونوں ٹیمیں فائنل میں جانے کے لیے ایڑی چوٹی کا زور لگائیں گی۔جاپان میں جاری انڈر 18 ہاکی ایشیا کپ کا سیمی فائنل آج روایتی حریف پاکستان اور بھارت کے درمیان کھیلا جائے گا۔ٹورنامنٹ کے گروپ راؤنڈ میں پاکستان نے گروپ بی میں ٹاپ کر کے سیمی فائنل میں جگہ بنائی جب کہ بھارت گروپ اے میں دوسرے نمبر پر رہا۔سیمی فائنل کا میچ پاکستانی وقت کے مطابق سہ پہر 3 بجے کھیلا جائے گا۔دونوں ٹیموں کو ٹورنامنٹ میں اب تک ایک ایک میچ میں شکست ہوئی ہے۔
اور۔۔۔ فیفا ورلڈ کپ کے دوران شائقین کے لیے اسٹیڈیم میں استعمال شدہ پانی کی بوتلیں لے جانے پر پابندی عائد کردی۔فیفا نے ابتدائی طور پر خالی پلاسٹک کی ری یوزایبل بوتلوں کو لانے کی اجازت دی تھی لیکن نئے ضابطے کے تحت اب ایسی بوتلیں ممنوع قرار دی گئی ہیں۔فیفا کا کہنا ہے کہ بوتلیں، کپ، جار اور کین جیسی اشیا کو میدان میں پھینکے جانے کی صورت میں کھلاڑیوں اور تماشائیوں کے زخمی ہونے کا خطرہ رہتا ہے اس لیے یہ اقدام کیا گیا ہے۔ناظرین کوبتاتے چلیں میگا ایونٹ 11 جون سے امریکا، کینیڈا اور میکسیکو میں ہوگا۔ فیفا ورلڈ کپ 2026 میگا ایونٹ کی 96 سالہ تاریخ کا سب سے بڑا ایونٹ ہوگا، جس میں پہلی بار 48 ٹیمیں ایک ٹرافی کے لیے میدانوں میں جنگ لڑیں گی اور 1248 کھلاڑی میدان میں اتریں گے
