پاکستان کے بولنگ کوچ عمر گل نے شاہین آفریدی سے لڑائی کی خبروں پر خاموشی توڑ دی ہے۔
بولنگ کوچ عمر گل نے پریس کانفرنس کرتے ہوئے کہا کہ میں جب صبح سوکر اٹھا تو ایکس پوسٹ پر کسی نے مجھے ٹیگ کیا ہوا تھا جس میں کہا گیا کہ شاہین آفریدی کوچ کی بات نہیں سن رہا ہے۔
انہوں نے کہا کہ یہ اس وقت کی بات ہے جب حسن علی گرا تو اس کے سر پر چوٹ لگی ہوئی تھی شاہین باہر بیٹھا ہوا تھا عام طور پر جب بھی وہ بولنگ کرتا ہے تو اپنے گھٹنے پر ٹیپنگ کرتا ہے۔
عمر گل نے کہا کہ وہاں پر میری شاہین سے گفتگو چل رہی تھی کہ میں کہہ رہا تھا کہ آپ چلے جاؤ، اتنی دیر میں سرفراز نیچے آگیا تھا اور کہا کہ اس کے سر پر لگی ہے۔
واضح رہے کہ ہفتے کے روز سوشل میڈیا پر ویڈیو وائرل ہوئی تھی جسے دیکھ کر بظاہر ایسا ہی گمان ہورہا تھا کہ شاہین آفریدی اور عمر گل کے درمیان گرما گرمی ہورہی ہے۔
عمر گل نے شاہین آفریدی سے لڑائی کی خبروں پر خاموشی توڑ دی
